مُراجعة | 3 أنواع من أرواج الـDrug store لازم تكون بمجموعتك ♡

السلام عليكم ورحمة الله

و نهاية اسبوع سعيدة للكل يارب =$ 

بوست اليوم خفيف بيكون عن 3 أنوع من أرواج الدرق ستور أقتنيتهم مؤخراً 

و وقعت في غرامهم على طول $_$

وفي نهاية البوست عندي لكم سؤال محتاجة مساعدتكم فيه =$

 نبدأ بريفيو الأرواج ....من اليمين لليسار :

الروج الأحمر من Nyx مجموعة الـ soft matte lip cream

أسم الدرجة " Monte Carlo لون أحمر صريح بأندر تون بارد 

الروج معروف بأنه مات بس مايجفف الشفايف وتقريباً الكل يمدحه وعلى ذلك فكرت أشتريه

سعره بـ 36 ريال

رأيي فيه :

حبيته كثير لدرجة أقول ويني عنه من زمان T^T

جميل ع الشفايف وفعلاً مو كأني حاطي روج مات من شدة ماهو لطيف وخفيف ع الشفايف

مع العلم إني جربته في أسوأ وقت لشفايفي إللي هو وقت آستخدام الزايركتان - نفس الروكوتان- وهذا يعني

إن شفايفي صارت صحراء قاحلة حرشاء XD 

وآخر شيء تحتاجه روج مات ! بس مع ذلك أبداً ماكان جاف عليها

ولا حسيت إنه زاد الطّين بله .. فكيف لو إن شفايفي كانت بوضعها الطبيعي ؟ عشان كذا حبيته 3>

الروج تقريباً يناسب الحنطاويات كثير ويطلع نفس كذا :

وطبعاً بشتري مثله إذا خلص بس المرة الجاية بشتري المجموعة كاملة إن شاءالله =$
وبالنسبة لثباته كان كويس بس إذا بتاكلين وبتشربين بيخف غير كذا بيبقى ثابت تقريباً4 أو 5 ساعات

- - - - - - - - 

الثاني : ريفلون من مجموعة super lustrous 

الروج فيه لمعة شوي ولونه بني مايل للرمادي شوي يعني مو بني بني 

أسم الدرجة Mink 

سعره في الثلاثين

رأيي :

حبيته كثيراً وعجبني مع إني ما أحب أرواج هالمجموعة وقد شريت منها وردي وماتقبلته أبداً

لأن لمعته كان بايخة شوي ..عموماً من أسمها سوبر لوستروس يعني "سوبر برّاق" وأنا والأشياء

البراقة مو أصحاب إلا ماندر .. لكن هالدرجة كانت جميلة وناعمة ع الشفايفة ومو براقة مرة

يعني صحيح فيه لمعة لكنها لمعة تعطي شكل فريش للشفايف أكثر من أنها مزعجة !

والنتيجة تطلع تقريباً نفس هذي:

بالنسبة لثباته ممكن فهو مقبول 

- - - - - - - -  - - 

الروج الأخير : من ريميل kate moss المجموعة المات 

رقم الدرجة 08 

سعره في الثلاثين ريال

رأيي فيه :

بصراحة مو أول مرة آشتري من هالمجموعة وعاجبتني كثير

عموماً ريميل أرواجهم كويسة لكن هالروج حبيته أكثر من اللي قبله

لأن لونها رايق وينفع يكون صباحي

أصلاً من شريته وهو صاير روجي اليومي في الكلية 

وحتى بالطلعات !

لونها وردي مايل للموف ع لحمي كذا =$

المهم هنا سواتش له مع الروجين اللي فوق على يدي

الصورة بدون تأثير لكن روج ريميل طالع أغمق ع اليد بس ع الشفايف أفتح حبة

بالنسبة لثباته فهو كويس بالنسبة لكونه من الدرق ستور 

وتقريباً في ساعات الدوام أحط منه قبل لا أطلع وبعد ما آكل فقط ويبقى

وبس هذا لبوست اليوم إن شاءالله يكون خفيف وأفادك لو شوي في حال

كنتِ جديدة على أرواج الدرق ستور =$

- - - - - - - - - - - - - - - - - - - - - - - - - - - --  -

نجي للنقطة الثانية والمهمة وهي عن الإستفتاء اللي مفكرة أطرحة عليكم 

أنا حابة أبدأ ترجمة فيديوز من اليويتوب من قنوات بشتى المجالات 

واللي أتمناه منكم تقديم إقتراحاتكم للقنوات اللي تحسونها مميزة وتنفع 

سواءً ميك آب ،تعليم ، طبخ أو أي مجال آخر

لذلك أي قناة مفضلة عندكم حطوا رابطها أو أسمها هنا أو على التويتر

والإنستقرام على هاليوزر الموّحد

@estrella_blog

شكراً مقدماً وطآب يومكم