السلام عليكم ورحمة الله 
,
هالبوست ياجميلاتي هو الجزء الأول من سلسلة معالجتي لشعري
اللي صار تالف بشكل عقب مالعبت فيه بالصبغات وحرارة التصفيف ="
وراح أخصصه فقط للماسك الرئيسي اللي من بين كل الماسكات اللي أجربتها
كان الأفضل واللي فعلاً أعاد الحيوية لشعري وبشكل ملحوظ من أول آستخدام !
بس قبل بفصل نوعية شعري عشان تكونون مُلمين بالموضوع تماماً
شعري ناعم بس قابل للتجعد وفروة رأسي دهنية جداً أحتاج أغسله يومياً تقريباً والشعره نفسها خفيفه
متقصف بشكل من الأطراف وفيه خصلة بالنص فيها نفشة تنرفز وتتعبني في التصفيف
وبعد ماصبغته 5 مرات في سنة وحدة فقط زادت النفشة صار باهت ويتساقط مرة لدرجة
شعري صار خفيف والكل لاحظ هالشيء =(
فـ حاولت أعتني فيه بكل الطرق ومانفع شيء معاه إلا ماسك الجرجير والصبار
وللأمانة ما آستخدمته إلا مرتين تقريباً وناوية أكمل بس مع ذلك بان الفرق الحمدلله
عاد ماسك الجرجير والصبار أسمع فيهم من سنين بس ماعمري فكرت أجربهم لأني تعيجزت
وبنفس الوقت شعري كان صحي وكويس بس لما تغير الوضع آضطريت لها p;
وفوائدها إنها تكثف وتطول وتقوي الشعر وتعيد صحته ، بلاش أطول عليكم وتفضلوا
الطريقة :
المكونات :
1- قبضة يدك جرجير وممكن تكثرين ع حسب طول وكثافة شعرك
2- ملعقتين كبار من جلّ الصبّار [ طريقة استخراج الجل بتلقونها تحت ]
3- زيت أي نوع بس الأفضل يكون واحد من هذول [ سمسم - نارجيل - خروع - زيت الجرجير الخام ]
أنا آستخدمت السمسم والنارجيل سوا
وزيادة أضفت عليهم زبادي ومو مهم بس الأهم هو الزيت والجرجير والجل
والزبادي أضفته لأنه يغذي ويسهل عملية الخلط
الطريقة تحطين كل المكونات في الخلاط وشغليه لما يتكون سائل متجانس
وبالأغلب بيكون شكله كذا :
بعدها تتدلكين به فروة رأسك بلطف لمدة دقيقة أو 2 عشان يوصل للجذور ويغذيها
ممكن تخلينه ساعة ع الأقل أو أكثر إذا حابة وبعدها آغسلي شعرك
إذا ما بانت النتيجة من أولها معليش جربي ع الأقل 4 مرات وما راح تخسرين أقلها راح تحصلين لمعان
على فكرة إذا أضفتي الزبادي ممكن يجفف شعرك شوي بالذات الأطراف فالأفضل تكثفين الترطيب
عليها بعد الغسل
*ممكن تستخدمين الماسك 1 في الأسبوع أو مرتين
[ طريقة آستخراج الجل من الصبار] :
لما تجيبين أوراق الصبار اقطعي الشوك اللي ع جنب وبعدين قصيها من المنتصف
وراح تشوفين السائل الهلامي اللي جوا
وراح تشوفين السائل الهلامي اللي جوا
آكشطية بسكين أو جيبي مبشرة ومرري الجزء الداخلي اللزج عليها عشان ينزل لك
،
،
في طريقة ثانية سهلة جداً لاستخدام جل الصبار بس ماجربتها فما أدري ع فعاليتها
بس جربوها إذا حابين شيء سهل وهي لما تفتحين الورقة من النص مرريها مباشرة ع فروة
راسك و آفركيها وخليها ساعة ساعتين وأغسليه ...
إيش النتايج اللي لاحظتها ع شعري بعده ؟
من أول مرة لاحظت إنه صار حيوي وكأن هالماسك أعاد له الحياة من جديد T^T
الفروة آنتعشت و ماصارت هاجدة وهابطة زي العادة
لمعة بسيطة وهذا أول ماسك سوا بشعري كذا من أول إستعمال فقط !
غيره لازم كم مرة ع بال ما يبدأ ينعنش شعري هذا غير إن من بعده
عمتي قالت لي إن شعرك متغير وصاير أحسن
غيره لازم كم مرة ع بال ما يبدأ ينعنش شعري هذا غير إن من بعده
عمتي قالت لي إن شعرك متغير وصاير أحسن
يعني لو بواصل عليه واثقة إنه بيصير أفضل بإذن الله
بالنسبة للرائحة فـ ريحته مقبولة مو سيئة مرة بس اللي ريحته ماتحملتها هو الجل ، مو مقرفة
بس مزعجة ومدري كيف عموماً ريحتها بتخف لما تخلطينها مع بقية الأشياء
ولما تغسلينه تعطري وبخري شعرك وماراح يبقى أي ريحة
كان من الممكن أنتظر لين أستمر عليه فترة أطول عشان أعطيكم النتايج النهائية لكن ماصدقت لقيت شيء
وعلى طول خبرتكم بالذات الناس اللي وعدتهم إني بعطيهم الحل أول ما ألقاه =$
بالنسبة للسلسة الجاية راح تكون تكملة لهالموضوع - معالجة الشعر - بس راح أخصصها
لمنتجات آستخدمتها أثناء العناية .
فقط هذا للبوست الأول وأنتظروا البوست الثاني خلال هاليومين
إن شاءالله
فقط هذا للبوست الأول وأنتظروا البوست الثاني خلال هاليومين
إن شاءالله
و طاب يومكم
- - - - - - - - - - - - - - - -
بالإمكان متابعة المدونة على التويتر :
@Estrella_blog
@Estrella_blog
والإنستقرام أستخدم نفس اليوزرنيم أيضاً
@estrella_blog
@estrella_blog
ليست هناك تعليقات:
إرسال تعليق